Јавно претпријатие за државни патишта се огласи во врска со наводите на прес-конференцијата на ВМРО-ДПМНЕ, дека фирмата за надзор на изградба на автопатиштата Коридор 8 и Коридор 10, „ИРД инженеринг“ е несоодветна.
Од таму велат дека на огласот објавен на 15 септември 2022 година за избор на „Надзор и правен трансакциски советник за изгрaдба на Коридор 8 и Коридор 10“, во присуство на медиумите биле отворени три понуди.
„„Ingerop Conseil et Ingeniere“, Франција, како лидер на група понудувачи здружен со Егис Интернационал и Матека Инженеринг ДОО, друштвото „ИРД инженеринг“, Италија, како лидер на група понудувачи, здружен со Eptisa Servicios de Ingenieria Sl-Шпанија, Електра консалтинг ДОО, Скопје и Евроконсалтинг ДОО Скопје, како членови на група понудувачи и „Hil International N.V. од Холандија како лидер на група понудувачи здружен со Градежен институт Македонија АД Скопје како член на група понудувачи.
По отворањето на понудите, следуваше постапка за нивна евалуација, и по разгледувањето на документацијата и комплетноста на понудите во предвидениот рок, се изврши изборот на најдобриот понуден квалитет и понудена цена и за надзор и правен трансакциски советник за изградба на Коридор 8 и Коридор 10д беше избрана „ИРД инженеринг“.
Изборот помина и на Управна контрола, а до Државната комисија за жалби по јавни набавки беа поднесени две жалби кои што Комисијата ги отфрли.
Постапката и изборот беа согласно сите законски и подзаконски акти за јавни набавки и транспарентна од самиот почеток,“ се вели во соопштението.
ПОВРЗАНИ ВЕСТИ
Фото: Влада