Иселеник во Италија по потекло од Делчево е прогласен за најдобар работник во италијанскиот регион Монфорте. Како награда за својот долгогодишен труд во познатата винарија „Azienda Agricola Castello Di Perno“, сопственикот на винаријата на делчевецот Зоран Момчилов му овозможи да се сретне со Папата Франциск.
-Средбата беше кратка, а приликата ја искористивме да му подариме на Папата Франциск од квалитетните вина од нашата винарија.
Се заблагодарам за довербата која ми ја укажаа сопствениците и да додадам дека ова за мене ќе биде стимул уште посилно да се вложам себе си во работата, истакна Момчило.
Иако татковината му е во срцето, Момчилов со сопругата и семејството, својата среќа од поодамна ја нашле во Монфорте.
Областа е позната по лозарството и е регион каде најразвиено е производството на вино како и туризмот.
Во овој дел од Италија својата егзистенција ја нашле околу 30-тина семејства од Делчевско.
МИА/Фото: delcevo365.mk