Како се движи цената на квадрат за стан во Центар, Карпош, Аеродром…

Во првото полугодие од годинава највисока цена за метар квадратен за стан во земјава има во скопски Центар, покажуваат податоците на Регистарот на цени и закупнини за пазарот на недвижности на Агенцијата за катастар.

За стара градба просечната цена за метар квадрат изнесува 1.547 евра.

По Центар, следи уште една скопска општина – Аеродром, каде просечната цена за метар квадратен во стара градба изнесува 1.532 евра, а во скопски Карпош пак е 1.523 евра.

Кај становите од инвеститори, највисоки просечни цени има во Центар – 1.712 евра, следи Карпош со 1.167 евра, а во Општина Ѓорче Петров метар квадратен чини 1.062 евра

Најниски просечни цени пак се евидентирани во Струмица – 719 евра за метар квадратен кај стара градба и 689 евра кај станови од инвеститори.

ПОВРЗАНИ ВЕСТИ

Стан во скопски Центар продаден за 3.360 евра за квадрат, а во Охрид за 3.200 евра: Најскапите станови во првото полугодие

„Трка“ меѓу Скопје и Охрид: Каде квадрат за стан е повисок

Во Скопје за закупнина за стан се плаќа и 3.741 евра