Бугарскиот министер за одбрана и вицепремиер, Красимир Каракачанов во интервју за бугарската телевизија БНТ рече дека Македонија со фалсификувана историја ги учи младите на омраза кон Бугарите и дека Македонците имаат омраза кон сите други народи, освен кон Србите.
„Тука од југословенско време населението се обучува да мрази, се воспитува на омраза кон Бугари, Албанци и Грци, љубов имаат само кон Белград и кон Србите. Сè друго треба да биде мразено.
Не може дете од прво одделение да го учат на омраза, дека Бугарите се фашисти, убијци, дека Цар Самоил бил Македонец“, рече Каракачанов, кој посочи и дека на крајот ќе излезе дека Македонците постојат од времето на апостол Павле, а дека Исус Христос бил Македонец.
„Ние сме за нив Татари, фашисти и окупатор. Ќе излезе дека Македонците постојат од времето на апостол Павле, а дека Исус Христос бил Македонец. Само ние Бугарите сме некакво долно племе“, рече Каракачанов во интервјуто.
ПОВРЗАНИ ВЕСТИ
Каракачанов пак излажа, во Македонија со години две бугарски телевизии емитуваат програма
Зарем некој верува дека 88 илјади Македонци зеле бугарски пасош оти се Бугари
Фото: Каракачанов/Фејсбук