Електронското издание на бугарскиот весник „24 часа“ пренесува дека полковник Петар Петров од Министерството за одбрана е еден од шесте уапсени за шпионскиот скандал.
Дописникот на МИА од Софија јавува дека денеска Воениот суд на Бугарија ќе одлучи со какви мерки на притвор ќе бидат пет од нив. Меѓу нив е и полковникот Петров.
Тој е заменик – шеф на Дирекцијата за планирање, програмирање и буџет во Министерството за одбрана, а претходно бил експерт во бугарското Министерство за одбрана.
Освен што е војник, тој е и страствен тенисер. Не случајно, некои од конспиративните состаноци на групата, предводени од Иван Илиев, се одржаа на тениски натпревари во Софија.
Пред една година, полковникот Петар Петров бил награден од министерот за одбрана Красимир Каракачанов со Орден за воена храброст, 3 степен, на церемонија во Воениот клуб во Софија.
Сè уште не е јасно како високиот функционер на бугарското Министерство за одбрана дејствувал како дел од руска шпионска група. Двајца други обвинети се офицери на Воената разузнавачка служба.
ПОВРЗАНИ ВЕСТИ
(ВИДЕО) Бугарија ја “тресе“ шпионска афера: Бугари шпионирале за Руси
МИА/Фото: Каракачанов/Фејсбук