Позицијата депозити на други коминтенти на Централна кооперативна банка АД Скопје во првото полугодие бележи опаѓање во однос на крајот од годината од 1,5%, но и во однос на планот за 4,1%, што се должи на пренасочување на депозитната база на правни лица кон вложувања во државни обврзници, во услови на пораст на каматните стапки на истите, информираат од Банката во финансискиот извештај доставен до Македонската берза.
-Во услови на растечка инфлација и општ пораст на каматните стапки во банкарскиот сектор, Централна кооперативна банка ги зголеми каматните стапки на депозитите што предизвика зголемување на расходите за камати за 14,6% во однос на истиот период минатата година.
Додека остварените расходи за камати во известувачкиот период се повисоки за 2,8% во однос на планираните, велат од таму.
ПОВРЗАНИ ВЕСТИ
Колку пари чувале граѓаните во Стопанска банка Скопје во првото полугодие
Колку пари чувале граѓаните и фирмите во Комерцијална банка во првото полугодие