Компаниите кои котираат на Македонската берза, и важат за гиганти во прехранбената индустрија во периодот јануари-септември, годинава во услови на пандемија од Ковид-19 ги подобрија резултатите во работењето и покажаа зголемување на добивката во однос на истиот период минатата година.
Така, „Витаминка“ АД Прилеп во периодот јануари-септември, годинава оствари добивка од 23.181.806 денари, што е зголемување за 140,7 отсто во однос на истиот период минатата година кога добивката на компанијата изнесувала 9.628.127 денари.
„Европа“ АД Скопје за девет месеци оствари добивка од 63.184.000 денари, што е зголемување за 79,7 отсто во однос на добивката од 35.155.000 денари остварена во истиот период минатата година.
„Жито Лукс“ АД Скопје оствари добивка од 2.078.310 денари што е зголемување од 222,1 отсто во однос на истиот период минатата година кога компанијата имала добивка од 645.077 денари.
„ЗК Пелагонија“ АД Битола, пак успеа да ја намали загубата од минус 154.908.000 денари во периодот јануари-септември, минатата година на минус 79.745.000 денари воистиот период годинава.
Фото: Витаминка/Европа