Во четири детски летни кампови на Халкидики, на Крит, во Коринт и во близина на Атика, поширокиот регион на Атина, потврдени се над 35 случаи на Ковид-19, но според државната телевизија ЕРТ ситуацијата е под контрола, јави дописничката на МИА од Атина.
Сепак, весникот „Катимерини“ коментира дека „десетиците случаи во камповите предизвикуваат загриженост“.
Во детскиот камп на Халкидики, во кој според медиумите, се сместени 2.000 деца на возраст од 13 до 17 години се потврдени 20 позитивни случаи, а во градот Ханија на Крит, вкупно девет и кампот ќе биде затворен до 15 јули.
Во близина на Атика, поширокиот регион на Атина, биле потврдени три позитивни случаи, додека, пак, утрово, медиумите во Грција објавија дека Ковид-19 бил откриен во уште еден детски камп кај Коринт.
Според државната телевизија ЕРТ, од 1.600 деца на возраст од шест до 15 години во кампот кај Коринт, биле регистрирани шест заразени случаи.
ПОВРЗАНИ ВЕСТИ
Грција ги заострува мерките на границите: Бидете подготвени на се почести тестирања по случаен избор
МИА