Учесниците на самитот на Берлинскиот процес, што денеска се одржува во Тирана, имаа можност да проследат културно-уметничка програма, со учество на фолклорни групи на националните малцинства во Албанија.
Според организаторите, тоа ја потврдува сликата за вековната верска и етничка хармонија во земјата.
Меѓу учесниците беше и македонската фолклорна група од Пустец, Мала Преспа.
-На овој значаен настан настапивме со сплет македонски ора, и наидовме на добар прием од сите учесници. За нас беше посебна чест и задоволство да настапиме пред високите европски претставници, рече за МИА, Лази Стојани, раководител на групата.
Во меѓувреме како што информираа од македонската заедница во Албанија, утре нивни претставници ќе остварат средба со премиерот Димитар Ковачевски.
ПОВРЗАНИ ВЕСТИ
Брнабиќ одбила да биде дел од заедничката фотографија на учесниците на самитот на Берлискиот процес
МИА/Фото: ЦЕФТА/Фејсбук