еМагазин
Image default
Македонија

МНР: Нашите граѓани и дипломатскиот персонал во Казахстан се безбедни

Министерството за надворешни работи (МНР) соопшти дека редовно ја следи состојбата во Казахстан и дека преку Амбасадата во Нур – Султан е во постојана комуникација со нашите државјани кои се наоѓаат во земјата.

-И покрај честиот прекин на интернет и телекомуникациските мрежи, сепак се остварува редовен контакт со нашите државјани, кои се наоѓаат на безбедни локации. Засега само двајца наши државјани се обратиле до Амбасадата поради ситни потреби на чие барање е веднаш одговорено, но, ниту еден од спомнатите не се наоѓа во загрозена состојба, информира МНР.

Според МНР, остануваат во сила препораките упатени до граѓаните на Македонија да не патуваат во Казахстан, а оние кои во моментот се наоѓаат во земјата да не ги напуштаат објектите каде што се сместени и да избегнуваат собири на јавни локации поради влошената безбедносна состојба.

-Дополнително, информираме дека дипломатскиот персонал во нашата Амбасада во Нур-Султан не е загрозен и дека без прекин ги извршува работните задачи.

Министерството за надворешни работи ќе продолжи да ги следи случувањата во Казахстан и ќе излезе со дополнителни препораки за нашите државјани, доколку за тоа се јави потреба, истакнуваат од МНР. 

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

СЈО влезе во Општина Аеродром, одземена документацијата на Ивица Коневски

Редакција

Боки на рака му напиша писмо на Јовески, бара да биде изведен пред него

Редакција

За вториот изборен круг акредитирани 1.598 набљудувачи, новинари и преведувачи

Редакција