Управата за јавни приходи (УЈП) информира дека од 1 јули 2019 година кога започна реализацијата на мерката поврат на 15 % од пресметаниот ДДВ, апликацијата МојДДВ преку google play store и Apple store ја презеле над 140.000 граѓани.
„Заклучно со 15 јули 2019 година, скенирани се вкупно 2,993,788 фискални сметки, остварен е промет од 1.572.173.704 денари, а повратот од 15% од пресметаниот ДДВ изнесува 25.368.380 денари.
Управата за јавни приходи ја известува јавноста дека граѓаните кои не се во можност да ја користат апликацијата „МојДДВ“ на своите телефони, може да ги користат услугите коишто ги нуди УЈП во сите свои Организациони единици кадешто фискалните сметки може да се скенираат на киоск апарати, баркод читачи како и паметни телефони на кои е инсталирана апликацијата „МојДДВ““, информираат од УЈП.