еМагазин
Image default
Македонија

МОСТ: Пендаровски победи со 51,51 отсто пред Силјановска Давкова со 44,93 отсто од гласовите

На претседателските избори кандидатот Стево Пендаровски освои 51,51 отсто од гласовите, а неговата противкандидатка Гордана Силјановска Давкова 44,93 отсто покажуваат резултатите на Граѓанската асоцијација МОСТ.

Како што кажа претседателот на МОСТ, Дарко Алексов на последната прес-конференција на Граѓанската асоцијација по изборниот ден одѕивот на изборите од ПВТ програмата изнесува 46,55 проценти со маргина на грешка од плус/минус 0,5 отсто, а на гласањето имало 3,56 отсто неважечки ливчиња.

Истата маргина ПВТ програмата ја има и за процентот на освоени гласови за претседател на Република Северна Македонија.

Алексов најави дека прелиминарната оценка за изборниот процес Граѓанската асоцијација МОСТ ќе ја соопшти утре на прес-конференција и додаде дека во текот на изборниот ден немаше некои драматични случувања.

Граѓанската асоцијација изборниот процес го следеше со 1.500 посматрачи распоредени на 1.160 гласачки места по случаен избор односно покри 33 отсто од гласачките места во државата.

МИА/Фото: Фејсбук/Пендаровски

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Јанакиески, Димовски и Јанкулоска на суд: Продолжува судењето за изборни нерегуларности, „Титаник“

Редакција

На Табановце се чека половина час, на Богородица до 15 минути

Редакција

„Белата палата“ на продажба: Со колкав имот располага ВМРО-ДПМНЕ?

Никола Осило