еМагазин
Image default
БАШ НИ Е ЌЕФ

Можност да се надминат професионалните предизвици – АММ организира тренинг со Сем Вакнин

Во Македонија во тек се подготовките за еден од најексклузивните настани. Асоцијација на менаџери на Македонија со проф.д-р Сем Вакнин, го организира првиот тренинг во светот за бихејвиористички техники на продажбата.Тренингот ќе се одржи во Скопје, на 24.11.2018 година.

Шест часа ќе бидат одделени од страна на проф. д-р. Сем Вакнин за заинтересираните да ги трансформираат техниките на продажба и своите односи со клиентите, потенцијално постигнувајќи „Експлодирање на продажбата“.

Вакнин ќе зборува за бихејвиористичка продажба и бихејвиористички техники на продажбата. Тој е еден од клучните експерти, во цел свет, кој може да даде свој осврт на оваа тема, имајќи во предвид дека е професор по психологија на Федералниот Јужен Универзитет во Ростов на Дон во Русија и професор по финансии и психологија во SIAS-CIAPS (Центар за меѓународни напредни и професионални студии).

Проф. д-р Сем Вакнин има над 20 милиони прегледи на YouTube и истиот е избран да биде член во Организациони одбори, дури во 12 најважни интернационални конференции за психологија и психијатрија. Покрај тоа има издадено неколку книги поради со кои го привлече вниманието на светот и поради кои се снимени седум документарни филмови.

Неговите интервјуа во CNN, New–York Times, Forbes, Financial Times, Prague Post, Sunday Times, Newsweek (Serbia), Flare, Vice, More Magazine, New-York Post, Washington Post, USA Today, UPI, NY Daily News, CNN-Oprah.com, Canadian TV, Metro Newspapers, Washington Times, Radio-Television Suisse (RTS), New Statesman, The Telegraph, MovieBETA, Oberösterreichische Nachrichten, и други, имаат оставено голем впечаток во експертската јавност, и сега Сем сржта на неговиот успех ќе ја донесе во Скопје. Повеќе за проф. д-р. Сем Вакнин има на: www.narcissistic-abuse.com.

Неговиот тренинг има неколку цели:

– на уникатен и единствен начин да им покаже на заинтересираните дека може да се надминат себеси и својата конкуренција

– да ги презентира методите преку кои се достигнува врвни способности за продажба

– учесниците да се пронајдат себе во својата работа и професија и преку тоа да го направат тоа што е најважно за клиентот

– учесниците да ги научат револуционерните техники на продажба

Настанот ќе се оддржи во Македонскиот народен театар, а за повеќе информации може да се контактира Асоцијацијата на менаџери на Македонија на [email protected]

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Нова наградна игра на „Макпетрол“ на програмата за лојалност „Верна“

Редакција

Државна лотарија отвори нова благајна за исплата на добивки од игрите на среќа 

Редакција

Градот Скопје обезбедува чартер лет и пречек за ракометарите на Вардар, како и награда од шест милиони денари

Редакција