еМагазин
Image default
Македонија

МПЦ го поздрави и благодари за признавањето на афтокефалноста од страна на Руската православна црква

Светиот архијерејски синод (САС) на Македонската православна црква – Охридска Архиепископија (МПЦ – ОА), на својата редовна седница одржана денеска ја поздрави одлуката на Руската православна црква за признавање на афтокефалноста на МПЦ-ОА.

– Светиот Синод со голема радост и благодарност ја прими веста за прифаќањето на автокефалниот статус на Македонската православна црква – Охридска Архиепископија од страна на Руската православна црква – Московска Патријаршија (РПЦ – МП) на заседанието на Синодот на РПЦ од 25 август 2022 година, запишувајќи го името на нејзиниот Поглавар, Неговото Блаженство, Архиепископ Охридски и Македонски г. г. Стефан во свештениот диптих.

Одлуката на Синодот на Руската православна црква следи по обраќањето на Српскиот Патријарх г. г. Порфириј соопштувајќи ја веста на Рускиот Патријарх г. г. Кирил за автокефалниот статус на сестринската Македонска православна црква.

Исто така, Синодот на МПЦ – ОА им благодари на сите други Помесни православни цркви кои го прифатија актот на Цариградскиот Патријарх, се наведува во соопштението од САС на МПЦ-ОА.

Истовремено Синодот апелира да не се наштетува на процесот на признавањето на автокефалниот статус на МПЦ – ОА преку, како што се наведува, неупатени и злонамерни коментари и нецелосни и умислено искривени информации на поедини таканаречени експерти и аналитичари.

ПОВРЗАНИ ВЕСТИ

Руската православна црква ја призна МПЦ – ОА, како автокефална сестринска црква

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Вкупно 4.289: Од Ковид-19 починаа 27 лица

Редакција

Јанева на судењето за „Рекет“: Да знаете што се знам од 660-те илјади фајлови, сигурно не би била тука

Редакција

Поради гушење и болки во градите, бизнисменот Камчев од Шутка префрлен на Кардиологија

Редакција