Денеска околу 16.00 часот во СВР Скопје било пријавено дека на подрачје на Центар-Скопје бил нарушен јавниот ред и мир од навивачи од навивачка група од Република Грција, соопштија од МВР.
„Полициски службеници излегле на местото и било констатирано дека дел од лицата од групата одзеле предмети од продажен објект и физички нападнале случајни минувачи.
Групата била обезбедена и по целосно расчистување и документирање на случајот против сторителите ќе бидат поднесени соодветни поднесоци,“ се вели во соопштението.
Станува збор за навивачи на грчката Паок, кои нападнале и момче кое носело дрес на ФК Вардар.
Полицијата спречила и поголем иницидент со навивачката група Комити.
Навивачите пристигнале во Скопје за да го следат дуелот помеѓу ракометните клубови Паок и Металург.