Тестовите кои ги користи приватната клиника Систина се различен тип од тестовите на сите останати институции, информираат од Министерство за здравство.
„Имено, тие тестови го детектираат присуството на анти тела на вирусот Ковид-19, додека останатите тестови го детектираат директното присуство на самиот вирус. За позитивни се сметаат оние пациенти кои се позитивни на вирусот и исклучиво тие се водат и внесуваат во дневната статистика.
Сите пациенти кои се детектираат како позитивни на тестовите на анти тела кои ги прави Систина, задолжително треба да направат тест за присуство на вирусот во Институтот за јавно здравје (ИЈЗ), согласно одлуката на Комисијата за заразни болести во министерството,“ се вели во соопштението.
Соопштението од Министерство следува откако одредени медиуми известија за позитивни случаи од „Аџибадем Систина“.
ПОВРЗАНИ ВЕСТИ
Бројот на заболени здравствени лица со коронавирусот во Македонија порасна на 38
На располагање 1.000 болнички кревети за пациенти болни од корона вирусот