Во врска со потенцијалниот сериски убиец од Старо Нагоричане, 25-годишниот Трајко Бојковски од Малотино, на 3. март била извршена уште една ексхумација, а Основно јавно обвинителство Куманово засега има докази за две убиства.
Како што информираа од таму во тек е процес на прибирање на докази, а се очекуваат резултати од ексхумации, обдукции и психијатриското вештачење на Бојковски.
Исто така Обвинителството издало и наредби за утврдување на локации преку базни станици на мобилни телефони, за да се утврди движењето на обвинетиот и евентуална поврзаност на други лица.
ПОВРЗАНИ ВЕСТИ
Создадоа ли институциите сериски убиец во кумановско?
Се уште се испитува и кои доктори биле на лице место, како и кои полицајци и инспектори биле на увидот и дали пријавиле нешто сомнително.
Отворена е предистражна постапка за лекарите од Брзата помош во Куманово, а за постапувањето на полициските службеници, ќе истражува внатрешна контрола на Министерството за внатрешни работи.
Бојковски моментално е во затворот во Куманово.
ПОВРЗАНИ ВЕСТИ
(Видео) Син ми не е виновен, вели мајката на осомничениот сериски убиец од кумановско
И за убиството на 35-годишна Марија Маринковска осомничен потенцијалниот сериски убиец
Се истражува смртта на пет жени во врска со осомничениот сериски убиец во тетовско
