еМагазин
Image default
Македонија

Не оди во притвор: Јакимовски ќе остане без пасош

Одземен пасош и редовно пријавување во судот, се мерките на претпазливост кои Судот им ги изрече на поранешниот градоначалник на општина Карпош, Стевчо Јакимовски и четворица негови соработници.

Тие се сомничат дека ја злоупотребиле својата службена положба и овластување во три постапки за јавни набавки.

Јакимовски, по излегувањето од Кривичниот суд, остана на ставот дека се работи за политички монтиран случај и се прави со цел да се дефокусира јавноста.

– Нема потреба од вакви спектакли, нема што да кријам, изјави Јакимовски.

Тој се заблагодари на полицијата, финансиската и судската полиција, како и на Бирото за јавна безбедност за коректниот однос.

– Ниту сме ја злоупотребиле службената функција, ниту имало организиран криминал, ниту некој нешто украл, ниту некој нешто однел дома. Општинските бараки се таму, плоштадот е таму и навистина нема смисла што се малтретираат моите колеги за работа што нема никаква врска со корупција и уште помалку со организиран криминал, рече Јакимовски.

Адвокатот на Јакимовски најави дека ќе поднесе жалба на мерките за претпазливост, посочувајќи дека се работи за случај во кој воопшто не постои дело.

Јакимовски денеска, пред влегувањето во Судот, се обрати со вулгарни зборови кон новинарите. На новинарско прашање дали ќе им се извини на новинарите за неговиот однос, Јакимовски по излегувањето од Судот, рече дека нема намера да се извинува.

– Кон одредени луѓе немам намера да се извинувам. На оние кои се коректни сакам да ги поздравам на нивната коректност и сакам да им честитам за нивната професионалност. Кон оние кои не се професионални немам намера да се извинувам, додаде Јакимовски.

Од Основното јавно обвинителство, денеска соопштија дека злоупотребувајќи ја службената положба и овластувања Јакимовски и неговите соработници го оштетиле буџетот на општината Карпош вкупно за 36.634.675 денари, овозможувајќи им да се стекнат со противправна имотна корист на правните лица Алконпроект во износ од 33.789.441 денари и С.М. Компани во износ од 2.845.234 денари.

МИА/Фото: Фејсбук/Јакимовски

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Триесетдневен куќен притвор за актерката Силвија Стојановска

Редакција

Жаклина Пешевска избрана за претседател на Унијата на жени на ВМРО-ДПМНЕ

Редакција

Во ковид центрите во Скопје за 24 часа се хоспитализирани 64 пациенти, а вкупно се лекуваaт 697

Редакција