Томислав Томашевиќ (39), активист и борец за јавниот интерес, кандидат на зелено – левата коалиција „Можеме“ е новиот градоначалник на Загреб, пренесуваат хрватските медиуми.
Во вториот круг на локалните избори во Хрватска, што се одржа вчера, тој освои речиси двојно повеќе гласови од противкандидатот од десното “Татковинско движење“, музичарот Мирослав Шкоро.
Она што е многу интересно е дека кандидатите на двете најголеми партии во Хрватска, ХДЗ и СДП, не ни влегоа во вториот круг.
Томашевиќ има дипломирано политикологија на Факултетот за политички науки во Загреб, а магистрирал на Кембриџ на тема животната средина, општество и развој.
Тој беше кандидат и во 2017 година.
Фото: Фејсбук/Томашевиќ
Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.