еМагазин
Image default
Свет ТОП СТОРИИ

Нови санкции од ЕУ: Забрана руските бродови да пристапуваат на европските пристаништа и намален увоз на јаглен од Русија

Европската унија планира да предложи задолжително постепено укинување на увозот на јаглен од Русија како директен одговор на извештаите дека руските сили извршиле очевидни воени злосторства во Украина, тврдат извори за Блумберг.

Претседателката на Европската комисија Урсула фон дер Лајен на Твитер објави список со санкции што ЕУ утре ќе ги воведе против Русија:

-Забрана за увоз на јаглен од Русија, во вредност од четири милијарди евра годишно, со што се намалува уште еден важен извор на приходи за Русија.

-Целосна забрана за трансакции за четири клучни руски банки, вклучително и ВТБ, втора по големина руска банка.

-Забрана за руските бродови да пристапуваат до пристаништата на ЕУ и забрана за руски и белоруски превозници во патниот сообраќај.

-Натамошни забрани за извоз, во вредност од 10 милијарди евра, во клучни области: напредни полупроводници, машини и транспортна опрема.

-Посебни нови забрани за увоз, вредни 5,5 милијарди евра.

-Целни мерки, како забрана за учество на руски компании во јавните набавки и исклучување на каква било финансиска поддршка, ЕУ или националните руски јавни тела.

ЕУ засега нема планови да санкционира нафта или гас. Но, земјите од Унијата се длабоко поделени околу следните чекори, а некои влади продолжуваат да бараат барем сигнал дека блокот сака да го намали увозот на руска нафта, истакна еден извор.

Неколку земји, вклучително и Германија и Унгарија, се спротивставија на продолжувањето на санкциите за енергетскиот сектор на Русија, но обвинувањата дека руските трупи при повлекувањето убиле многу невооружени цивили доведоа до нов притисок од некои членки на источниот блок да воведат такви санкции.

Одобрувањето на пакетот и забраната за увоз на јаглен бара поддршка од сите 27 земји-членки.

МИА/Фото: Unsplash

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Парламентарните избори ќе се одржат во 2024 година, тврди премиерот

Редакција

Вработените во ЈСП бараат плата: Раководството апелира МОН и општините да го подмират долгот

Редакција

Сопственикот на дивоградбата кај Стариот чинар, Усеини: Како закупец уредно 11 години ги подмирувам обврските за оспоруваната летна тераса

Редакција