Најновите истражувања покажуваат дека покрај тоа што загадениот воздух нè прави болни, нè прави и поагресивни, пишува „О2 Иницијатива“ на нивната фејсбук-страница.
„Загадениот воздух знаеме дека предизвикува редица аномалии и болести, од респираторни, срцеви удари, мозочни удари, канцер, неуролошки пореметувања, репродуктивни, спонтани абортуси, генетски мутации, зголемена појава на депресија и други ментални болести, го намалува умствениот капацитет, листата е долга.
Но, како загаденоста расте, така се зголемува и насилството, вклучувајќи го и домашното насилство.Насилството не мора да е секогаш физичко, може да биде и вербално. Просто кажано, при загаден воздух, она што не морало да ескалира, ескалира. Станавме нација на болни, глупави и агресивни луѓе“, велат од „О2 Иницијатива“ приложувајќи студија за ова тврдење.