Смртноста кај невакцинираните е драстично поголема, покажува анализата на Министерство за здравство за периодот од 6 август до 9 септември.
„Во период од пет седмици на територија на државата починале 678 лица со Ковид -19, 591 пациент (87%) од починатите не биле вакцинирани, а само 87 (12%) примиле вакцина. Според анализите починатите имале повеќе комбинирани хронични заболувања.
Заразените и починатите се вакцинирани со вакцини што ги има на располагање кај нас, како и вакцини Модерна и Џонсон и Џонсон, кои некои од пациентите ги примиле во странство,“ се вели во соопштението.
Министерството за здравство укажува на важноста на вакцинација, секоја вакцина која ја имаме на располагање е безбедна, ја намалува шансата од заболување, спречува тешка форма на болеста и штити од смртен исход.
Министерството за здравство апелира граѓаните да се вакцинираат, само така ќе дојдеме до колективен имунитет и ќе спречиме ширење на мутации на СарсКов2.
ПОВРЗАНИ ВЕСТИ
80% од новите случаи и 84% од хоспитализираните со Ковид-19, се невакцинирани
Фото: МЗ