Од Дрисла ги обвинија градоначалниците на Аеродром и Кисела Вода дека направиле кривично дело откако го оставија ѓубрето пред портите на депонијата

Откако синоќа ѓубрето кое беше собрано од скопските општини Аеродром и Кисела Вода, градоначалниците Тимчо Муцунски и Орце Ѓорѓиевски, го оставија пред портите на ЈП Дрисла Скопје, бидејќи на камионите не им беше дозволено да влезат во депонијата, денеска од јавното претпријатие информира дека општините немаат потпишано договор со нив и оти нивниот договор е истечен во март годинава.

ПОВРЗАНИ ВЕСТИ

(Видео) Ѓубрето од Аеродром и Кисела Вода заврши пред портите на Дрисла, откако на камионите не им беше дозволено да влезат во депонијата

– Ги замолуваме градоначалниците од Општина Кисела Вода и Општина Аеродром да бидат поодговорни кога даваат изјави и да престанат безочно да лажат, особено поради тоа што веќе e креиран сомнеж за извршување кривично дело од нивна страна против животната средина.

Имено, ниту Општина Аеродром, ниту Општина Кисела Вода немаат потпишан договор со ЈП депонија „Дрисла“ Скопје, бидејќи тој им е истечен во март, стои во соопштението.

Од „Дрисла“ прашуваат каде го фрлале сметот овие две општини во изминатите месеци ако немаат договори.

– Се поставува прашањето, каде го фрлале сметот овие две општини во изминатите месеци ако немаат договори со ЈП депонија „Дрисла“ Скопје, единственото предвидено место за одложување на отпад? Дали креирале и колку диви депонии креирале? Колку од дивите депонии кои ги исчисти градот Скопје повторно се претворени во хаос со отпад?, се наведува во соопштението.

ПОВРЗАНИ ВЕСТИ

„Провинцијалците платија да се исчисти метрополското ѓубре„: Твитер реакции за ѓубрето во кое се „дави„ Скопје

(Видео) Од една фамилија во „Комунална хигиена“ биле вработени над 40, а од друга над 30 лица, откри Арсовска

„Нова атракција за скопјани – ѓубре туризам“: Твитер реакции за ѓубрето во кое се „удави“ Скопје

Фото: Дрисла