Вицепремиерот за европски прашања Бујар Османи, на денешната прес-конференција рече дека добро би било, по изборите, да се почне со подготовки за попис.
„Добро е да биде постигнат целосен консензус за законот за попис и да се пристапи кон негова подготовка веднаш по изборите. Знаете дека пропадна обидот за попис во 2012 година поради начинот на читање на законот од двете етнички заедници.
Консензус се постигна, но не и вкупен политички консензус во Собрание за усвојување на Законот. Мислам дека ова решение што е донесено на Влада е добро и треба да се спроведе, меѓутоа би било добро сите да бидат вклучени во пописот. По изборите, би требало да почнеме со подготовки за негово организирање,“ рече Османи.
Државата нема направено попис од 2002 година. Пребројувањето на населението долго време се договара и одложува, а евентуалниот нов датум би бил април 2021 година.