Судија во претходна постапка на Основен суд Тетово им определи мерка притвор во траење од осум дена на петмината приведени кои по протестот во Тетово во Мала Речица физички нападнале полициски службеници, информираат од СВР Тетово.
– По одредување на мерката притвор петмината се однесени во КПУ Затвор Скопје, соопшти порпатолот Марјан Јосифоски.
Завчера по завршување на протестот, полициски службеници од СВР Тетово ги лишија од слобода Б.А.(31) од с.Туин, кичевско, Н.Б.(52) од с.Мала Речица, тетовско и Џ.С.(33) од с.Вешала, тетовско, а денеска и В.А.(33) и А.Ш.(30), двајцата од Тетово.
Тие беа приведени затоа што се однесувале агресивно и физички нападнале полициски службеници кои извршувале службени дејствија за време на протестот во Тетово и потоа во Мала Речица кога група млади лица се обидоа насилно да поминат преку полициски кордон за да стигнат до седиштето на политичката партија ДУИ.
На протестот во Тетово група граѓани побараа одговорност за 14-те лица кои ги загубија животите при пожарот во модуларната болница на 8 септември.
ПОВРЗАНИ ВЕСТИ
Приведени уште две лица од вчерашниот протест во Мала Речица
На протестите во Тетово, приведени двајца демонстранти и повредени четворица полицајци