Јавен обвинител од Основното јавно обвинителство за гонење на организиран криминал и корупција донесе наредба за спроведување на истражна постапка против двајца хрватски државјани и еден државјанин на Македонија.
Како што соопштија од Jавно обвинителство на Република Северна Македонија, според опишаните дејствија во наредбата, постои основано сомнение дека првоосомничениот висок функционер во Владата на во својство на службено лице сторил кривично дело злоупотреба на службената положба и овластување од чл.353 ст.5 в.в. ст.3 в.в. ст.1 од КЗ на РМ, за што му помогнале останатите двајца осомничени.
Порталот А1он, објави дека станува збор за генералниот секретар на Владата, Мухамед Зекири.
Ценејќи дека постои реална опасност осомничените да се дадат во бегство, дотолку повеќе што двајца се странски државјани, ако се има предвид кривичното дело што им се става на товар, како и опасност доколку осомничените се бранат од слобода да ги уништат трагите или да влијаат врз потенцијалните сведоци или да го повторат делото, јавниот обвинител до Судијата на претходна постапка при Основниот кривичен суд Скопје ќе поднесе предлог за определување на мерка притвор за тројцата осомничени, велат од Обвинителството.
– Во периодот од месец април 2021 година до месец јануари 2022 година, со искористување на својата службена положба првоосомничениот без спроведување на соодветна постапка за јавна набавка, склучил договор за консултантски услуги со правно лице во што со умисла му помогнале осомничените хрватски државјани.
Со преземените дејствија осомничените за правното лице прибавиле значителна противправна имотна корист во вкупна вредност од 57.932.100 денари, а на штета на Буџетот на Р.Северна Македонија. Износ што бил поголем од 795.000 евра, односно од договорениот износ за вршење на консултантските услуги, се појаснува во соопштението.
ПОВРЗАНИ ВЕСТИ
Рускоска за истрагата за Зекири: Имаме податок каде се парите
Мухамед Зекири си поднесе оставка од функцијата генерален секретар на Владата
Фото: Зекири/Фејсбук