Според податоци на Институтот за јавно здравје (ИЈЗ) во текот на месец октомври, пријавени се 5 случаи на ХИВ/СИДА.
-Сите пријавени лица се со ХИВ. Пријавените лица се од машки пол и се од Битола, Гевгелија, Струмица, Тетово и едно лице е странски државјанин.
Лицата се на возраст од 20-44 години.
Три од лицата се бисексуалци, едно лице припаѓа на групата МСМ и едно лице е хетеросексуалец.
Во текот на месец октомври е регистриран еден смртен случај од ХИВ/СИДА. Лицето е пријавено како заболено во август 2022 година, стои во билтенот на ИЈЗ за акутни заразни заболувања за октомври.
Согласно постоечката евиденција на пријавени случаи (заклучно со 31.10.2022 година), кумулативниот број на лица регистрирани со ХИВ/СИДА во Македонија, за периодот 1987–2022 година, изнесува 574, и тоа: 123 лица починале, а 451 лице живее со ХИВ/СИДА.