Денеска во Скопје, полициски службеници од Регионалниот центар за градежни работи Север при Бирото за јавна безбедност (БЈБ) – МВР спроведе контрола на фирма од Република Турција помеѓу бул. „Кирил и Методиј“ и ул. „Јордан Мијалков“, поради сомнение дека повеќе странски државјани непријавени работат на објектите и незаконски престојуваат во Република Северна Македонија, информираат од МВР за еМагазин.
Притоа, на објектите биле затекнати 97 странски државјани кои немаат регулиран престој и кои работат непријавени.
Од МВР не откриваат за која странска компанија станува збор, а неофицијално станува збор за турската компанија „Лимак“, која во овој дел од Скопје гради мулифункционален комплекс со хотел, станбен простор, подземна железница…
Странските државјани биле приведени и по целосно документирање на случајот против нив ќе бидат поднесени соодветни пријави.
Исто така, соодветни пријави ќе бидат поднесени и против фирмата и против 15 други фирми-подизведувачи.
ПОВРЗАНИ ВЕСТИ
ЕКСКЛУЗИВНО: Како изгледаат и колку чинат становите во „Diamond of Skopje“ на Лимак групацијата
ЕКСКЛУЗИВНО: Први фотографии од „Лимак Скопје Хотел“