Поради случаи на деца со тешки постковид компликации во „Аџибадем Систина“ вчера во посета беше стручен надзор од Универзитетската клиника за детски болести, информираат од болницата.
„Посетата се иницираше по информацијата за последните случаи на деца со тешки постковид компликации кои беа третирани во Клиничката Болница „Аџибадем Систина“.
Колегите од државната Универзитетска клиника за детски болести и од Педијатриската Болница на „Аџибадем Систина’’ ги разменија и споделија своите искуства за овој тип на компликации и начин на третирање кај децата.
Со оглед на тоа дека манифестација на вирусот е непредвидлива сметаме дека овие состаноци се правилниот начин за споделување на информациите и веруваме дека сознанијата изнесени од двете страни на овој конструктивен состанок позитивно ќе придонесат во понатамошниот третман на децата кај кои се појавува ваков тип на постковид компликации,“ се вели во соопштението.
За компликациите кај децата по прележан Ковид-19, информираше детскиот кардиохирург Владимир Чадиковски на неговиот твитер-профил.
ПОВЕЌЕОРГАНСКИ ИНФЛАМАТОРЕН СИНДРОМ кај деца по прележан К19.
4-5 нед.по прележување
ПСР нег.
IgG антитела 10 пати повеќе
39-40 темп.
Срцева деком.
Бубрежна инсуф.
Д димери зголемени
Коагулопатија
Осип по кожа
Коњуктивит
Кашлица,тешко дишење
До сега третирани 8 деца кај нас!!— Vladimir Chadikovski (@chadikovski) December 15, 2020