Огнените јазици кои зафатија сува трева, нискостелбести растенија, грмушки и шума на територија на општините Чешиново-Облешево, Пробиштип и Кочани се целосно изгаснати, вели за МИА директорот на Центарот за управување со кризи (ЦУК), Стојанче Ангелов.
Пожарот кој од синоќа по 22 часот е пријавен во ТППЕ-Кочани доцна попладнево е ставен под контрола, бидејќи почна да паѓа дожд, а во неговото гаснење бидејќи беше распространет на територија на три општини беа вклучени пожарникарите од Кочани и Пробиштип, како и од Доброволното противпожарно друштво од Кочани.
Од воздух се гасеше со еден Ер трактор на Дирекцијата за спасување и заштита и два полициски хеликоптери.
Ангелов вели дека станува збор за огромна опожарена површина, која заедно со пожарот од пред десет дена опфаќа околу 250 хектари. Забележа дека пожарот се приближи и кон кочанското село Врбица, во кое живеат пет жители, а пробиштипските пожарникари со контрапожар успеаја огнените јазици да не влезат во селото Трипатанци.
ПОВРЗАНИ ВЕСТИ
(Видео) Пожар кај Чешиново-Облешево, мобилизирани пожарникари и доброволци од Кочани
МИА/Фото: ЦУК