еМагазин
Image default
Македонија

Пресудата за „Титаник 2“ доставена до осудените Сашо Мијалков и Мендух Тачи

Пресудата за „Титаник 2“ е доставена до осудените лица, кои по приемот имаат право на жалба преку Основниот суд Скопје 1 до Апелациониот суд во Скопје, информираат денеска од Кривичниот суд во Скопје.

– Заради зголемен интерес на медиумите и невладините организации кои ја следат работата на судот, ја информираме јавноста дека пресудата за предметот со КОК бр. 62/17 од обвинителството означен како „Титаник 2 “, објавена на јавна расправа на 08.03.2019 година, е писмено изработена и експедирана до странките кои по приемот на истата имаат право на жалба преку Основниот суд Скопје 1 – Скопје до Апелацискиот суд – Скопје, а во меѓувреме пресудата е во фаза на преведување и на албански јазик, се наведува во соопштението од Основен суд Скопје 1.

Пресудата за случајот „Титаник 2“ на Специјалното јавно обвинителство (СЈО), судот ја објави на 8 март годинава.

За изборните нерегуларности на локалните избори во 2013 година поранешниот директор на УБК Сашо Мијалков доби казна затвор од три години, исто толку добија и Анета Стефановска, Влатко Сајковски и Сашо Срцев, додека лидерот на ДПА, Мендух Тачи доби три години и два месеца, а највисока казна од четири години и шест месеци му беше изречена на Бедредин Ибраими.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

На аџилак годинава ќе заминат 672 верници од Македонија

Редакција

Судење за насилството во Собранието: Снимка од Кољо во фантомка излегува од кабинетот на Вељаноски и ја насочува толпата во прес-центарот

Редакција

Кривична за Миленко Неделковски за ширење говор на омра за пожарите во Грција

Редакција