Алкалоид АД Скопје, во периодот јануари-март 2022 година оствари позитивни финансиски резултати, искажани во неревидираните единечен и консолидиран биланс на успех, информираат од компанијата преку Македонската берза.
“Остварените единечни вкупни приходи во периодот јануари-март 2022 година изнесуваат 2.744.820 илјади денари и во споредба со остварените во истиот период во 2021 година бележат пораст од 8%.
Во структурата на вкупните приходи најголемо учество, 98%, имаат приходите остварени со продажба на производи и на услуги, кои во споредба со остварените во 2021 година бележат пораст од 12%.
Остварените консолидирани вкупни приходи во периодот јануари-март 2022 година изнесуваат 3.695.704 илјади денари и во споредба со остварените во истиот период во 2021 година бележат пораст од 10%.
Во структурата на вкупните приходи, најголемо учество, 98%, имаат приходите остварени со продажба на производи и на услуги, кои во споредба со остварените во 2021 година бележат пораст од 11%.
Остварените единечни вкупни расходи во периодот јануари-март 2022 година изнесуваат 2.418.854 илјади денари и во споредба со остварените во истиот период во 2021 година бележат пораст од 8%.
Остварените консолидирани вкупни расходи во периодот јануари-март 2022 година изнесуваат 3.276.374 илјади денари и во споредба со остварените во истиот период во 2021 година бележат пораст од 10%.
Од вкупните консолидирани продажби, 67% се остварени на странските пазари. Најголем пораст кај извозните пазари бележат продажбите остварени во Германија (раст од 146 %), Полска (раст од 114 %), Романија (раст од 102 %), Бугарија (раст од 69 %), САД (раст од 51 %), Албанија (раст од 24 %), Црна Гора (раст од 15 %), Косово (раст од 11 %), БиХ (раст од 8 %), Србија (раст од 7 %), итн..
Остварената единечна нето-добивка во 2022 година изнесува 298.147 илјади денари и во споредба со остварената во 2021 година бележи зголемување за 5%.
Остварената консолидирана нето-добивка во 2022 година изнесува 361.453 илјади денари и во споредба со остварената во 2021 година бележи зголемување за 4%“, велат од компанијата.
ПОВРЗАНИ ВЕСТИ
Алкалоид за три месеци со 99 нови вработувања и инвестиции од 218,5 милиони денари
Алкалоид ќе дели дивиденда повисока за 10% споредно со 2020