еМагазин
Image default
Бизнис

Раст на извозот од 23 проценти, а на увозот за 19,9% во првите десет месеци

Вредностa на извозот на стоки од Македонија во периодот јануари – октомври годинава изнесува 5.734.882.000 долари (297.093.666.000 денари) и бележи пораст од 23 проценти во однос на истиот период од претходната година, објави денеска Државниот завод за статистика.

Во првите десет месеци од годинава е увезена стока во вредност од 7.490.571.000 долари, што е за 19,9 проценти повеќе во споредба со истиот период од претходната година. Трговскиот дефицит, во периодот јануари – октомври годинава изнесува 1.755.690.000 долари. Покриеноста на увозот со извоз, во периодот јануари – октомври 2018 година, изнесува 76,7 проценти.

Трговската размена по производи покажува дека во извозот е најголемо учеството на катализаторите на носачи со благородни метали или нивни соединенија, сетовите на проводници за палење и слично, за возила, авиони или бродови, деловите на седишта од подгрупата 821.1 и моторните возила за превоз на 10 или повеќе лица, вклучувајќи го и возачот, со мотор со внатрешно согорување со палење со помош на компресија (дизел или полудизел).

Во увозот, пак, најмногу се застапени платината и легурите на платина, необработени или во прав, нафтените масла и маслата добиени од битуменозни минерали (освен сурови), плоснато-валаните производи од железо или нелегиран челик, неплатинирани или необложени и другите метали од платинската група и нивни легури, необработени или во облик на прав.

Во периодот јануари – октомври годинава, според вкупниот обем на надворешнотрговската размена, Македонија најмногу тргувала со Германија, Грција, Велика Британија, Србија и Бугарија.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Зголемување од 2,5 пати: „Макпетрол“ оствари добивка од 12,5 милиони евра

Никола Осило

Измените на Законот за игрите на среќа ќе остават 7.700 луѓе без работа

Редакција

Владата распиша тендер од 2,6 милиони евра, за физичко обезбедување на објекти

Редакција