Русија: Реакцијата на светската заедница на потезите на Русија е хистерична и тоа е застрашување

Портпаролката на руското Министерство за надворешни работи, Марија Захарова, денеска изјави дека реакцијата на светската заедница на потезите на Русија, вклучувајќи ја и изгласаната резолуција на Генералното собрание на ОН, е хистерична и дека изјавите на официјалните лица се апсурдни, пренесоа руските медиуми.

ПОВРЗАНИ ВЕСТИ

Русија под итно да ја повлече војската: Генералното собрание на ОН усвои резолуција за агресијата врз Украина

– Тоа е хистерија, тоа е заплашување, сето тоа заедно. Тие ќе изнесуваат сѐ повеќе и повеќе апсурдни тврдења, рече таа.

Русија, наведе таа, се обидела да го спречи актуелниот развој на настаните во Украина, но Западот избрал да не обрнува внимание на тоа.

– Сето ова е претставено како долго очекувана и посакувана акција на Русија. Сепак, тоа е принудна ситуација. Ова се случи откако беа исцрпени сите можности за преговори, компромиси и објаснувања. Неопходно е да се сфати тоа, нагласи Захарова.

Таа оцени дека „неверојатно е што Западот сега се спушта до такво ниво што не сака да преземе никаква одговорност за настаните во Украина“.

ПОВРЗАНИ ВЕСТИ

(Видео) Зеленски: „Украина не сака да биде покриена со тела на војници, тоа се збунети деца кои се искористени“

Русите подготвуваат атентат на Зеленски, почнува битката во Кремљ за соборување на Путин, открива хакерската група Анонимуси

(Фото) Во Русија почнаа да апсаат и деца, бидејќи оставиле цвеќе пред Украинската амбасада

МИА/Фото: Унсплеш