еМагазин
Image default
Македонија ТОП СТОРИИ

Се избираат градоначалници на Охрид и Ново Село

Заедно со вториот круг на претседателските избори денеска се одржува и втор круг од предвремени локални избори за градоначалници на Охрид и на Ново Село.

Според заклучениот избирачки список на Државната изборна комисија, за предвремените локални извори во Охрид право на глас имаат 52.303 граѓани, а во Ново Село 11.365 граѓани.

Во двете општини избирачот, покрај ливчето за претседател, добива и едно ливче само за избор на градоначалник, со оглед дека советите се конституирани на редовните локални избори. За гласањето на локалните избори, избирачот се потпишува во изводот од избирачки список наменет за локалните избори.

Во општината Охрид изборите за градоначалник се распишани поради ненадејната смрт на градоначалникот Јован Стојаноски, а во Ново Село се избира нов градоначалник, бидејќи поранешниот Боро Стојчев поднесе оставка откако беше осуден на затворска казна за обид за шверц на цигари.

Во вториот круг во Охрид се натпреваруваат кандидатот на СДСМ, Константин Георгиески и кандидатот на ВМРО-ДПМНЕ, Митре Милошевски. Во првиот круг Георгиески освои 13.037 гласови, а Милошевски 10.614. Запишани избирачи во Охрид се 52.303, а во првиот круг гласале 28.118 граѓани, односно 53,76 отсто.

За испразнетото градоначалничко место во Ново Село кандидати се Никола Андонов од СДСМ и Николчо Стоилков од ВМРО-ДПМНЕ. Андонов во првиот круг освои 2.693 гласови, а Стоилков 2.753. Во оваа општина се запишани 11.365 гласачи, а на гласање во првиот круг излегле 5.549 граѓани, или 48,83 отсто од избирачите.

Избори беа распишани и во Дебар, но таму градоначалник беше избран во првиот круг, кога победи Хекуран Дука од ДУИ.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Вкупно 201: Од корона вирусот починаа уште осум пациенти

Редакција

Колкави се платите на менаџментот на БИМ од Свети Николе

Редакција

Репортери без граници: Во 2020 година убиени се 50 новинари, повеќето во држави што не се во војна

Редакција