еМагазин
Image default
Балкан

Шпекулации во Грција за размена на споменици меѓу Скопје и Атина

Споменикот „Воин на коњ“ да замине за Атина, а атинскиот „Тркач“ да пристигне во Скопје била идејата на министерката за култура на Грција, пренесена на средба на скулпторот и автор на споменикот, Костас Вароцос, според тврдењата на уметникот за грчките медиуми, јави дописничката на МИА од Атина.

Веста од синоќа е една од главните теми во медиумите во Грција, а министерката за култура, Мирсини Зорба, категорично демантира дека постоел разговор за размена на споменици.

Во изјава за медиумите, скулпторот Варцос открива дека минатиот петок се сретнал со Зорба во Министерството за култура на Грција кога и му била презентирана идејата.

-Госпоѓа Зорба во разговорот ја спомена идејата „Тркачот“ да се пренесе во Скопје. Ѝ одговорив дека „Тркачот“ не може да замине од Атина од многу причини. Освен тоа што скулптурата ѝ припаѓа на општина Атина јас ги имам авторските права. И не е само оваа причина. Министерката го демантира предлогот што ми го достави, вели Костас Вароцос во изјава за грчката новинска агенција АНА-МПА.

И Министерката за култура за државната агенција освен што демантира, објаснува дека споменикот ѝ припаѓа на општина Атина.

-Не постои никаков предлог за пренесување на „Тркачот“, тоа не нешто неосновано. Освен тоа, скулптурата му припаѓа на градот Атина. Во рамките на една општа дискусија со истакнати грчки уметници, меѓу нив и господинот Вароцос беа разговарани и коментирани многу работи, но не и таков предлог. Јас имам други приоритети, а можноста за размена на споменици или промени на табли припаѓаат на надлежностите на други министерства. Жал ми е за вревата и моралната паника што некои побрзаа да ја демонстрираат, вели министерката за култура на Грција, Мирсини Зорба за АНА-МПА.

Споменикот „Тркач“ изработен во голем дел од стакло, е дело на Костас Вароцос од 1988 и се наоѓа во центарот на Атина пред хотелот „Хилтон“.

МИА

ПОВРЗАНИ ВЕСТИ

Од македонската Влада велат дека не постои иницијатива за размена на споменици со Грција

Грците предлагаат да им го дадеме споменикот на Александар, а тие на нас скулптурата „Дромеас„

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Мајката на убиениот Грк во Албанија: „Мојот син никогаш немаше проблем со полицијата, само сакаше да го подигне грчкото знаме„

Редакција

За Србија упадот во РТС е „македонско сценарио“

Редакција

Грција ќе гради мега луксузен ресорт од 420 милиони евра на Пелопонез

Редакција