Љупчо Николовски, генералниот секретар на СДСМ и поранешен министер за земјоделство, шумарство и водостопанство е новиот вицепремиер за борба против корупција, за одржлив развој и човечки ресурси.
Роден е на 20 август 1983 година, во Крива Паланка. Оженет е.
еМагазин во серијал ќе Ви ги пренесе биографиите на членовите на новата Влада.
ПОВРЗАНИ ВЕСТИ
Каков имот пријавил Љупчо Николовски, вицепремиерот кој ќе се бори против корупција
Какво образование има
Дипломирал на Правниот факултет „Јустинијан Први“ при Универзитетот „Св. Кирил и Методиј“ – Скопје, насока финансиско право.
Има положено правосуден испит.
Има и диплома за специјалист по политички менаџмент на Нов Бугарски универзитет, бугарски факултет за политики и совет на Европа.
Овластен претставник е за заштита на права на индустриска сопственост пред Државниот завод за индустриска сопственост.
Завршил магистерски студии на Правниот факултет „Јустинијан Први“ при Универзитет „Св. Кирил и Методиј“ во Скопје – магистрант на магистерски студии на Програмата за административно право и јавна администрација.
Зборува англиски и италијански јазик.
Политичка кариера
Во јули 2019 година стана генерален секретар на СДСМ.
Во јуни 2017 година стана министер за земјоделство, шумарство и водостопанство (МЗШВ).
Од ноември до декември 2016 година беше дополнителен заменик министер во МЗШВ.
Во февруари 2014 година стана шеф на кабинет на претседателот на СДСМ, Зоран Заев.
Работно искуство
Во 2013 година отворил сопствена адвокатска канцеларија.
Од мај 2009 до 2011 година бил консултант и секретар за корпоративно управување во Институт за директори – Скопје, консултант во AAG, Analysis and Advisory Group со фокус на човечки ресурси и деловно право, ЕУ фондови и финансирање.
Од 2007 до мај 2008 година, бил приправник во адвокатска канцеларија „Марковска и Андревски“ од Скопје.
ПОВРЗАНИ ВЕСТИ
Импресивна биографија: Кој е Фатмир Бесими, новиот министер за финансии
Што пишува во биографијата на старо-новиот премиер Зоран Заев
Што пишува во биографијата на Мила Царовска, новата министерка за образование и наука
Што пишува во биографијата на Венко Филипче, старо-новиот министер за здравство