Посетата на македонската делегација во Бугарија, е топ тема во бугарските медиуми кои пишуваат детали за средбата.
Весникот „24 часа“, повикувајќи се на владини извори, пишува дека, имало и формулација за јазичниот спор, која гласи дека, Бугарите и Македонците зборуваат на ист јазик, но меѓународно признат како два различни, пренесува „Телма“.
Се предвидувала и декларација дека двата народа се братски. Заев ветил и промена на македонскиот Устав, во кој ќе ги стави и Бугарите како народ. Наводно, ветил и отворање на досиејата од времето на Студената војна, за да се разјаснат, според нив, „репресиите на кои биле подложени Бугарите во некогашната југословенска република Македонија”.
Се договарале и одмори на македонски ученици во Бугарија и бесплатни одмори на бугарски ученици во наши хотели.
Весникот „Труд“, пак, пишува дека македонскиот премиер ветил дека, ако на средбата во Брисел на 22 јуни го поддржат почетокот на преговорите, ќе ги направи неопходните компромиси за спорните историски теми.
Владата ги демантираше овие пишувања на бугарските медиуми.
ПОВРЗАНИ ВЕСТИ
(ВИДЕО) Заев на „братот“ Борисов му подари американски пури
Фото: Влада