Македонската актерка Синоличка Трпкова на својот Фејсбук профил, го коментира актуелниот граѓански протест против „францускиот предлог“.
“Постои мала критична маса, којашто на сите протести излегувала без за тоа да има наредба, лична корист, фондовски пари. Излегувале луѓето за правда и слобода и евентуално заради верба во идеали. И со Пленумите и со Шарената, а сега и со НЕ за Бугарскиот договор.
Но, просто да се срамиш, ете, од своите сограѓани, ако си ги поддржувал сите три денес. Или си едно или си друго!? Ако не припаѓаш на светото тројство македонски партии, тогаш си непријател за сите три.
И тоа е доволен знак дека Македонците во Македонија се разединети и поделени, повеќе од кога било. Таа мала критична маса, без партиска припадност, станува полека предмет на потсмев и омраза. Наскоро нема ни да постои, исто како и земјава“, пишува таа.
ПОВРЗАНИ ВЕСТИ