Сопственикот на порталот „Доказ“, Марјан Стаменковски денеска од затворот во Шуто Оризари е пренесен во Градската болница „8 Септември“, откако повторно се пожалил на болки во градите.
Стаменковски деновиве беше хоспитализиран на Клиниката за кардиологија, но своеволно ја напуштил и се врати во притвор.
Стаменковски е во притвор откако Основното јавно обвинителство Скопје, по спроведена претходна постапка поднесе обвинителен предлог. Тој се товари дека преку веб-порталот во негова сопственост, како средство за извршување, сторил кривични дела „ширење на расистички и ксенофобичен материјал по пат на компјутерски систем“, „уцена“, „пиратерија на аудиовизуелно дело“ и „злоупотреба на лични податоци“.
Предметот беше оформен по поднесени кривични пријави против обвинетиот од повеќе жртви во текот на 2022 и од почетокот на 2023 година, а во врска со објавени содржини на неговиот веб портал.
Процесот го води судијката Марија Клетничка Марковска, а застапник на обвинението јавната обвинителка Зорица Павловиќ.
ПОВРЗАНИ ВЕСТИ
Сопственикот на „ДоказМ“, Стаменковски од затвор пренесен во болница