Советникот на ВМРО-ДПМНЕ во општина Гази Баба Александар Трајковски кој беше снимен на фотографија со поранешниот премиер Никола Груевски во Будимпшешта, на денешното рочиште за предметот „Насилство во Центар“ во кој е еден од обвинетите, рече дека бил во Унгарија поради специјалистички преглед за синусите и дишните патишта.
Трајковски во Будимпешта заминал по второ мислење за неговата болест, за што приложил и медицинска документација.
Александар Трајковски е вработен во Царинската управа, од каде соопштија дека во времето кога беше објавена фотографијата тој бил на боледување. Од Царината најавија дека е поведена постапка за утвдување дали боледувањето му е оправдано и оти ако се утврдат злоупотреби ќе бидат преземни соодветни мерки.
Фотографијата од Груевски на која е и Трајковски беше снимена и објавена од дописник на „Гардијан“ од Будимпешта и е прв фото запис од поранешниот премиер по бегството во Унгарија.
МИА/Фото: Гардијан
ПОВРЗАНИ ВЕСТИ
Трајковски без коментар за фотографијата со Груевски во Будимпешта
(Видео) Груевски снимен во познат и скап ресторан во Будимпешта
(Фото) Груевски се шета низ Будимпешта?