Поранешниот американски претседател Доналд Трамп не платил данок на доход во последната година од неговиот мандат и пријавил загуба во деловните активности, се наведува во извештајот на конгресната комисија задолжена за спроведување на истрагата.
Податоците објавени од комисијата на Претставничкиот дом предводена од демократски конгресмени покажуваат дека приходот и даночните обврски на Трамп драстично флуктуирале во текот на неговите четири години во Белата куќа.
Документите потврдуваат дека Доналд Трамп и неговата сопруга Меланија Трамп плаќале одредена сума даноци во текот на сите четири години од мандатот на Трамп, но ги минимизирале приходите, наведувајќи дека претрпеле деловни загуби и ги прикажувале за да ги намалат даночните обврски.
Комитетот на Претставничкиот дом ја доведе во прашање вистинитоста и легитимноста на некои даночни намалувања, вклучително и едно намалување од 916 милиони долари.
За време на неговиот мандат, Трамп одби да ги претстави своите даночни пријави на јавноста, иако сите други американски претседатели, со исклучок на Ричард Никсон, редовно и правилно ги исполнуваа сите свои даночни обврски.
ПОВРЗАНИ ВЕСТИ
Трамп стана првиот американски претседател за кој Конгресот препорача кривично гонење
МИА/Фото: Унсплеш