Според податоците на Институтот за јавно здравје (ИЈЗ) во периодот од 27 март до 2 април во Македонија се регистрирани 155 нови позитивни случаи на Ковид-19, со намалување од 13,4% во однос на минатата недела (n=179).
Процентот на позитивност се движи од 7,9% до 17,6%, просечно 11,9%.
-Во тековната недела, регистрирани се заболени лица во општините од 15 градови. Најголем дел од регистрираните случаи се од Скопје (n=91; 58,7%), a највисока инциденца е регистрирана во Прилеп (26,3/100.000 жители).
Регистрирани се заболени лица во сите возрасни групи, со најголем број на случаи пријавени во возрасната група над 60 години (n=80; 51,6%). Со оглед на малиот број на пријавени случаи, зголемувањето/намалувањето по возрасни групи е варијабилно.
Во текот на минатата недела (27.03-02.04.2023) со статус „оздравени“ се стекнале 174 лица во хоспитални услови или на домашно лекување, за 58,2% повеќе во однос на минатата недела (n=110).
Во текот на минатата недела, пријавена е 51 реинфекција, за 7,3% помалку во однос на претходната недела (n=55).
Пријавени се три починати лица со датум на смрт во текот на последната недела (27.03-02.04.2023), од Скопје, на возраст од 66-86 години, со коморбидитети и починати во болнички услови, стои во извештајот на ИЈЗ, кој еМагазин редовно го пренесува.
Фото: МЗ