Дополнителниот заменик-министер за земјоделство, шумарство и водостопанство, Цветан Трипуновски на Фејсбук реагираше на ставот на Дирекцијата за заштита на лични податоци, дека тој со снимањето на вработените во подрачната единица на Министерството за земјоделство, шумарство и водостопанство во Берово, врши мобинг .
„Ниту е прекршен Законот за заштита на лични податоци, ниту е извршен мобинг! Јавен интерес е оваа снимка да биде објавена. Земјоделците ќе ги заштитам секогаш и секаде. Ниту пак мобинг е извршен, бидејќи мобинг е тоа што го прави СДСМ и нивните функционери, со илјадници земјоделци секојдневно го прават, ги омаловажуваат и не им даваат субвенции и по неколку години.
Бидете спремни на многу вакви контроли. Затоа што тој што не работи се жали, тој што работи ќе биде награден“, пишува Трипуновски.
ПОВРЗАНИ ВЕСТИ
Фото: Фејсбук/Трипуновски