Во врска со снимката на дополнителниот заменик-министер за земјоделство, Цветан Трипуновски, кој упадна во подрачната единица на Министерството за земјоделие, шумарство и водостопанство (МЗШВ) во Берово и притоа ја објави на „Фесјбук“, од Дирекцијата за заштита на личните податоци (ДЗЛП) за „ТВ21“ велат дека тој можел да снима, доколку намерата му била да види дали се почитуваат работните оврски, но не смеел да ги покажува лицата на луѓето кои се вработени таму, а потоа видеото да го дистрибуира до медиумите и на неговата фејсбук-страница.
Од таму велат дека постапката може да се окарактеризира како неовластено снимање, па дури и како мобинг.
„Во Македонија постои закон за приватност на вработените во приватен или јавен сектор, а ова секако е спротивно на тој закон. Во дел од законот се вели дека дури и да има потреба за снимање или инсталирање на видео опрема во просториите на одредена компанија и институција, работодавецот мора за тоа да ги извести вработените“, велат од ДЗЛП.
ПОВРЗАНИ ВЕСТИ
Трипуновски: Не сум вршел мобинг, бидете подготвени на многу вакви контроли
Фото: Фејсбук/Трипуновски