еМагазин
Image default
БАШ НИ Е ЌЕФ

Уметничка инсталација: Картографија на просторното насилство (Случај на градот Скопје)

Во паркот Ибни пајко, на фасадата на Македонската опера и балет на 4 август во 21.30 часот ќе се реализира привремена уметничка интервенција под наслов „Картографија на просторното насилство (Случај на градот Скопје)”, на авторите Тихомир Топузовски и Кумјана Новакова.

„Проектот се фокусира на просторното насилство, односно како репрезентациите и констелациите на моќта се отелотворени во архитектурата и урбаните простори, инструментализирајќи ги граѓаните преку политички мобилизации, идентификации и поделби.

Во конкретниот случај, проектот преку визуелна методологија и користење на картограм го прикажува просторното насилство во централниот дел на градот Скопје, на тој начин преиспитувајќи го односот помеѓу материјалноста на урбаните простори, згради, споменици, обележја и спектарот на нематеријални процеси, односно симболичките, етничките и социјалните“, информираат авторите.

Реализиран како привремена уметничка интервенција на фасадата на Македонската опера и балет овој проект создава дополнителна интеракција осмислувајќи нови значења и разбирање на политички одбележаните простори.

Автори на проектот се Тихомир Топузовски и Кумјана Новакова, а соработници на проектот се Глигор Постолски, Дрен Невзати и Индрит Османи. Авторите изразуваат особена благодарност до Мери Батакоја, Јован Ивановски и студентите на Архитектонскиот факултет во Скопје кои придонесоа во реализацијата на проектот.

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

(Галерија) The boss is back: Премиера на новиот BMW X5 во Македонија

Редакција

Сликарската династија Стадим со изложба во НЛБ Галерија

Редакција

Градот Скопје обезбедува чартер лет и пречек за ракометарите на Вардар, како и награда од шест милиони денари

Редакција