еМагазин
Image default
Техно

Ватсап го ограничи испраќањето на една порака до најмногу пет корисници

Апликацијата за испраќање на пораки Ватсап од денеска го ограничи до пет бројот на корисници или групи на кои може да им се прати една истата порака, соопшти заменик претседателот за комуникации на компанијата, Викторија Грант.

– Од денеска утврдуваме лимит на пет пораки низ целиот свет, изјави таа.

Раководител за комуникации на „Ватсап“, Карл Вуг соопшти дека апликацијата денеска ќе го објави и неопходното надградување.

Тоа ќе биде достапно прво за корисниците на опертаивниот систем „Андорид“, а потоа и на „Ајоес“.

Ватсап лани веќе ја ограничи функцијата за препраќање на пораки, кога бројот на луѓе или групи низ целиот свет на кои може да им се испрати истата содржина беше намален од 250 на 20.

Компанијата соопшти дека ораничувањето е со цел да се запре некотролираното ширење на гласини, лажни вести, манипулација со фотографии, како и видео и аудио без контекст.

Поради системите за заштита, пораките, фотографиите и видеата испратено преку оваа апликација се недостапни за независна контрола, ниту за самата компанија.

На пример, оваа функција во Индија веќе е ограничена до пет корисници или групи откако имаше повеќе случаи на линчување поради гласините за киднапирање на деца кои се проширија преку апликацијата.

Ватсап е во сопственост на социјалната мрежа Фејсбук и апликацијата ја користат околу 1,5 милијарди луѓе.

МИА

Преземањето на оваа содржина или на делови од неа без непосреден договор со редакцијата на еМагазин значи експлицитно прифаќање на условите за преземање, кои се објавени ОВДЕ.

МОЖЕБИ ЌЕ ВЕ ИНТЕРЕСИРА

Новата бесплатна апликација „Ај на кафе“

Редакција

100 милиони евра во онлајн трансакции во првите три квартали од годинава

Редакција

Само третина од интернет корисниците купуваат онлајн

Никола Осило