Радмила Пешева е новиот в.д. директор на ЈП „Лајка“ Скопје.
Таа доаѓа на местото на Воислав Димитровски, кој поднесе оставка.
ПОВРЗАНИ ВЕСТИ
Кои се новите в.д. директори на јавните претпријатија во Скопје
Која е Пешева
Радмила Пешева е активистка за правата на животните и е основач и потпретседателка на здружението Анима Мунди.
Како што информираа од здружението, Пешева е носечки активист за правата на животните од нивното основање во 2009 година, е борец кој не се откажува и е сопственик/вдомувач на повеќе животни, сите стерилизирани, спасени од улица.
„Знае дека животните се свесни, интелигентни, чувствителни живи битија, а не комунален смет кој грубо треба да се отстрани. Третманот на бездомните животни беше и остана нашата примарна борба“, посочија од здружението поздравувајќи ја одлуката на градоначалничката на Град Скопје, Данела Арсовска, за нејзиното поставување.
“Ова е прв пат да се назначи активист за директор на јавно претпријатие кое е директно одговорно за хуман третман на бездомни кучиња и воспоставување на систем за контрола на нивната популацијата, за што ѝ благодариме на довербата на градоначалничката Данела Арсовска.
Пред сè, ова е огромна одговорност и предизвик, особено во услови на повеќе од ограничени финансиски ресурси и криза“, велат од здружението.
Пешева е веганка.
ПОВРЗАНИ ВЕСТИ
Арсовска се скара со ВМРО-ДПМНЕ, се здружува со “Огнената група“ на ДУИ и ГРОМ?
Кој е Крсте Петревски, генералниот секретар на ГРОМ, кој е новиот директор на Градски паркинг
Каков имот пријавил Воислав Димитровски, директор на ЈП Лајка, кој поднесе оставка
Фото: Лајка/Фејсбук/Анима Мунди