Нова расправија помеѓу градоначалничката на Скопје, Данела Арсовска и претседателот на Советот на Град Скопје, Трајко Славевски прекина седница за советнички прашања на Советот на градот.
Расправијата се случи откако Славевски го зеде микрофонот од говорницата и го стави под неговата маса, откако службите не му го вратија копчето со кое може да го вклучува и исклучува микрофонот на говорницата во салата и тој го повика Инспекторатот за локална самопурава да интервенира.
По ова Арсовска излезе на говорницата каде немаше микрофон, а Славевски даде 15 минути пауза поради „неовластено користење опрема“.
.„Вие крадете, тој микрофон е во сопственост на Градот Скопје и на службите“, рече Арсовска додека Славевски стоеше пред неа на говорницата прашувајќи: „Каде е украден микрофонот?“.
На крај седницата беше презакажана, а Арсовска викна полиција и го пријави Славевски дека го украл микрофонот.
Нови циркуси на Трајко и Данела во Град Скопје! pic.twitter.com/aiLcgEvhUk
— Balkanacot (@Balkanacot) November 9, 2022
ПОВРЗАНИ ВЕСТИ
Фото/видео: Град Скопје/Твитер