Подршка за здравствениот работник Денис Јанкуловски, кој го доби прекарот Космонаутко, стигнува од сите страни.
Јанкуловски и стана познат на јавноста минатата година, откако тој беше дел од тимовите кои земаа брисови за Ковид-19 по домовите, а ги освои срцата на сите со позитивниот дух.
ПОВРЗАНИ ВЕСТИ
Сега е ангажиран во арената А1 “Борис Трајковски“ и е дел од тимовите за вакцинација.
Деновиве на социјалните мрежи се појави видео од него и неколку други здравствени работници од арената, а сите заедно беа нападнати и од потпреседателот на ВМРО-ДПМНЕ, Александар Николоски, но и од лидерот на партијата, Христијан Мицкоски.
На видеото тие играат на песната „Вакцина“. Дел од видеото за оваа песна е и Јанкуловски.
Како раководството на ВМРО-ДПМНЕ успеа да им најде мана на овие здравствени работници, само тие си знаат, а последниве месеци видовме илјадници видеа од здравствени работници од целиот свет во кои тие играат и пејат, за да го одржат сопствениот дух, но и да дадат и ваков тип на подршка за сите во битката со Ковид-19.
ПОВРЗАНИ ВЕСТИ
(ВИДЕО) “Вакцина“, нов хит на Дац и Александар, во видеото „гостува„ и Денис Јанкуловски Космонаутко
Подршка за Космонаутко
Социјалните мрежи се преплавени со статуси за подршка за Космонаутко.
Еве дел од нив:
Јанкуловски: Ја само пјевам, ја само играм, ја немам разлог да се живцирам
На својот Фејсбук се огласи и Јанкуловски.
„Нема да објаснувам што правевме во Борис. Нема да објаснувам кога и зошто го правевме играњето во Борис.
Штом така го злоупотребуваат едноставно сите злонамерници и погани усти не го заслужуваат се тоа.
Не можам да стигнам на секој пост да одговорам, знам дека ме разбирате, (може во 4 сабајле кога ќе станам и ќе кликам :), но во името на сите здравствени работници кои нималку виновни се најдоа на крајно необјаснив, чуден, па и навредлив удар, Ви се заблагодарувам на поддршката која во сите овие 15, а очигледно и натаму месеци и тоа како ни е значајна, нам ни е еден вид елан да издржиме.
ЌЕ ИЗДРЖИМЕ ДО КРАЈ.
Она што уште на почетокот си го зацртав и го практикувам буквално секој ден од 9. март 2020 година наваму, а се со цел полесно да ги минувам напорните денови и да бидам максимално функционален и корисен е: сите неубави информации, особено дезинформации и вакви неочекувани дискредитации на здравствените работници да не допираат до мене.
Затоа што се тоа што може и малку да ме измести од зацртанитот и докажано успешниот начин на секојдневно функционирање ќе се одрази на квалитетот на мојата работа, а тоа уште полошо и пострашно ќе се одрази на оние кои чекаат од мене свесно, совесно и професионално работење.
Затоа и ова оди во фолдер „зар е могуќе бе?!?!“ кој стои негде длабоко во D://.
А јас……јас и понатаму продолжувам со она што го работам и ќе го работам на истиот начин како знам и умеам, комбинација од работа, музика, песна, насмевки, расположение и многу љубов. Затоа што здравјето е токму таа комбинација.
ЗДРАВЈЕТО на моите роднини, комшии, пријатели, познати и непознати, сограѓани. Тие ми се ПРЕД СЕ!!!!
Сакал некој или не, Космонаутизмот зема се поголем замав.
И да, мојот одговор на сите вакви гадости е како и секогаш:
Наоружан само смјешком ходам ја кроз град…..и секако – Ја само пјевам, ја само играм, ја немам разлог да се живцирам.
Гуш и бац друштво, утре продолжуваме со исто темпо.
Ве сакам,
Ваш, засекогаш ваш и секогаш тука за вас разигранот, распеаниот сељак весељак – Денко Космонаутко“, напиша тој на Фејсбук.
Фото: Фејсбук/Јанкуловски